26 июл 15:54
Янгиликлар
Гандбол
![](/upload/storage/306086_220.jpg)
Гандбол. Қашқадарёлик қизлар ва сурхондарёлик ўсмирлар Ўзбекистон кубоги соҳиби
Қарши шаҳрида Ўзбекистон Республикаси Спорт вазирлиги ҳамда Ўзбекистон гандбол федерацияси томонидан ўн олти ёшгача бўлган (U-16) қизлар ва ўсмирлар жамоалари ўртасида гандбол бўйича Ўзбекистон кубоги ўтказилди.
Бир ҳафта давом этган мусобақада қашқадарёлик қизлар ва сурхондарёлик ўсмирлар барча учрашувда ғалаба қозониб, 2024 йилги Ўзбекистон кубоги соҳиби номига сазовор бўлишди.
Шунингдек, қизлар биринчилигида Жиззах вилояти жамоаси иккинчи ўринни эгаллаган бўлса, Самарқанд вилояти жамоасига учинчи ўрин насиб этди. Ўсмирлар мусобақасида эса Қорақалпоғистон республикаси вакиллари кумуш, Қашқадарё вилояти гандболчилари бронза медалини қўлга киритишди.
Ўзбекистон кубогининг тақдирлаш маросимида ғолиб ва совриндор жамоалари, энг яхши ўйинчилар ва ҳакамлар ташкилотчилар томонидан тақдирландилар.
Икром ХУДОЙБЕРГАНОВ тайёрлади.
Ҳавола :
Манба : olamsport.com
Фикрлар