Гандболчиларимиз Осиё чемпионатининг иккинчи ўйинида 30 тўп фарқи билан ғалаба қозонишди

Дастлабки турда ҳиндистонлик тенгқурларини 46:29 ҳисобида мағлуб этган Ўзбекистон терма жамоаси 2-турда яна йирик ғалабага эришди. Қизларимиз Гонконг терма жамоасидан 30 тўп фарқи билан 45-15 ҳисобида устун келишди. 

Куннинг қолган ўйинларида Япония, Хитой, Корея Республикаси терма жамоалари ҳам навбатдаги ғалабани ўз ҳисобларига ёзиб қўйишди. Бугун терма жамоамиз учун дам олиш куни. Жамоамиз 3-тур учрашувини 24 август куни Хитой Тайпейига қарши ўтказади. 

Маълумот учун, ушбу қитъа биринчилиги келаси йил U20 ёш тоифасида ўтадиган жаҳон чемпионатига саралаш вазифасини ўтаб беради. Мусобақада ярим финалга етиб борган жамоаларга жаҳон чемпионати йўлланмаси насиб этади.