25 авг 07:31
Янгиликлар

Гандбол

Гандболчиларимиз учинчи ўйинда илк жиддий синовдан ўтишди

Пойтахтимиз мезбонлигида ўтаётган гандбол бўйича қизлар ўртасидаги U19 ёш тоифасидаги Осиё чемпионатида гуруҳ босқичининг 3-тур ўйинлари якунига етди.

"Алпомиш" муз саройида ўтган Ўзбекистон ва Хитой Тайпейи терма жамоалари ўртасидаги учрашув муросасиз кечди. Якунда қизларимиз икки тўп фарқи билан - 29:27 ҳисобида зафар қучишди.

Шу тариқа, Ўзбекистон терма жамоаси гуруҳда кетма-кет учинчи ғалабасини қўлга киритди. Бугун гуруҳнинг тўртинчи ўйини асосий рақиб Хитой терма жамоасига қарши бўлиб ўтади. Учрашув соат 18:00да бошланади.

Учинчи турнинг барча ўйинлари натижаси:

Қирғиз Республикаси - Қозоғистон 22:58

Ҳиндистон - Гонконг 39:25

Эрон - Корея Республикаси 19:39

Хитой Тайпейи - Ўзбекистон 27:29