13 мар 14:02
Янгиликлар

Теннис

Гарбин Мугуруса бош соврин учун кортга чиқади

Бугун Дубай шаҳрида ўтказилаётган WTA турнирининг яккалик баҳсларида ғолиба аниқланади.

Дунёнинг 16-рақамли теннис маликаси Гарбин Мугуруса ярим финал учрашувида ғалабага эришди. Испаниялик теннисчи рейтингда ўзидан икки поғонада қуйида бораётган бельгиялик Элизе Мертенсни 6/4, 7/6(5) ҳисобларида енгди.

Учрашув 2 соату 7 дақиқа давом этган ва унда 27 ёшли Мугуруса 1 та, 25 яшар Мертенс эса 2 та эйс зарбасини амалга оширган. Бугун Гарбин Dubai Duty Free Tennis Championships турнири бош соврини учун баҳсда чехиялик Барбора Крейчиковага қарши кортга чиқади.