09 мар 08:34
Янгиликлар

Теннис

Гарбин Мугуруса Дубайда муваффақиятли старт олди

БААнинг Дубай шаҳрида теннис бўйича нуфузли WTA турнирининг асосий тўр баҳслари бошланди.

Дунёнинг 16-ракеткаси бўлиб турган Гарбин Мугуруса Dubai Duty Free Tennis Championships мусобақасининг илк даврасида ғалабага эришди. Испаниялик теннис маликаси рейтингнинг 73-поғонасидан жой олиб турган руминиялик рақибаси Ирина-Камелия Бегуни мағлубиятга учратди - 6/3, 7/5.

Ушбу баҳс 96 дақиқа давом этган ва унда Гарбин 2 та, Ирина-Камелия 1 та эйс зарбани амалга оширди. Мугуруса ўзаро учрашувлардаги ҳисоб кўринишини йириклаштирди - 4:1. Энди Гарбин иккинчи даврада америкалик Аманда Анисимовага қарши кортга чиқади.