06 янв 10:59
Янгиликлар

Бокс/ММА

Гарсиянинг фикрича, Ломаченко ундан қўрқади

Америкалик машҳур боксчи Майки Гарсия WBA ва WBO йўналишлари чемпиони Василий Ломаченко ҳақида фикр билдирди.

Гарсиянинг айтишича, украиналик жаҳон чемпиони Майки билан жанг қилишдан ўзини олиб қочмоқда. Бу билан ундан қўрқаётганини билдириб қўймоқда.

“Ломаченко мени 2016 йилда Николас Уолтерсни мағлуб этганидан бери рингга чорлайди. Лекин ҳар сафар бошқа боксчи билан жанг ўтказади. Яқинда Педрасага қарши рингга чиқди. Нима учун 2018 йилнинг финал жангига менинг вариантимни танламади? Чунки, у қўрқади”, - деди Гарсия.

Эслатиб ўтамиз, Майки Гарсия 16 март куни АҚШнинг Арлингтон шаҳрида ярим ўрта вазн тоифасида IBF чемпиони Эррол Спенсга қарши рингга кўтарилади.