06 сен 20:01
Янгиликлар

Бокс/ММА

Гассиевнинг супероғир вазндаги дебюти яна қолдирилади

Биринчи оғир вазн тоифасида собиқ жаҳон чемпиони Мурат Гассиевнинг супероғир вазндаги дебют жанги яна қолдириладиган бўлди.

Россиялик боксчи 12 октябрь кунига белгиланган жангигача тайёр бўла олмайди. Гассиев айнан шу санада АҚШнинг Чикаго шаҳрида ўтказиладиган бокс оқшомида рингга кўтарилиши лозим эди.

Мурат қўлидан олган жароҳатидан ҳали тўлиқ фориғ бўлганича йўқ. 12 октябргача ҳам жароҳатини даволай олмайди. Гассиевнинг супероғир вазндаги дебют жанги иккинчи бор қолдириляпти. Унинг Жоуи Давейкога қарши кечиши лозим бўлган жанги ҳам айнан россияликнинг жароҳати сабаб бекор қилинган эди.