23 мар 07:39
Янгиликлар
Бокс/ММА
Гассиевнинг супероғир вазндаги дебюти яна қолдирилди
Коронавирус пандемияси сабаб биринчи оғир вазнда собиқ WBA Super ва IBF чемпиони Мурат Гассиевнинг катта танаффусдан кейинги рингга қайтиши яна қолдирилди.
Гассиев супероғир вазн тоифасида дебют қилиши керак эди. Лекин коронавирус сабаб ушбу дебют номаълум муддатга кечиктирилди.
"Дебют 25 апрель кунига мўлжалланган эди. Аммо, коронавирус сабаб барча оммавий тадбирлар бекор қилинди, шу жумладан Муратнинг жанги ҳам", - дейди Гассиевнинг вакили.
Маълумот учун, Мурат Гассиев сўнгги бор 2018 йилнинг июлида рингда кўриниш берган эди. Ўшанда у Бутунжаҳон бокс суперсерияси (WBSS) финал жангида украиналик Александр Усикка очколар ҳисоби бўйича ютқазиб қўйганди.
Ҳавола :
Фикрлар