02 янв 19:08
Янгиликлар

Бокс/ММА

Генри Сехудо уч ой ичида қайтади

Икки вазнда собиқ UFC чемпиони Генри Сехудо тез орада октагонга қайтишини маълум қилди.

Унинг айтишича, февраль ёки март ойида кучли рақиб билан жанг қилади. Бу ҳақда америкалик аралаш яккакураш устасининг менежери Али Абдел-Азиз ҳам хабар берди.

Аввалроқ, Хабиб Нурмагомедов Сехудо билан суҳбатда унга энг енгил вазнда амалдаги UFC чемпиони Александр Пантожа билан жанг ўтказишни таклиф қилганди.

Собиқ учталик (Сехудо эркин кураш бўйича Олимпиада чемпиони ҳам бўлган) чемпион 2023 йилнинг баҳорида уч йиллик танаффусдан кейин фаолиятини қайта тиклаган ва ўша пайтдаги UFC чемпиони Алжамэйн Стерлингга ҳакамларнинг айри қарори билан ютқазиб қўйганди. Ўтган йилнинг февралида эса у Мераб Двалишвилига ҳам имкониятни бой берди. Айни пайтда 37 ёшли Генри дивизион рейтингида еттинчи ўринни эгаллаб турибди.