Генри Сехудонинг RAF 6 турниридаги рақиби маълум бўлди

У эркин кураш бўйича ташкил этиладиган баҳсда UFC фахрийси Юрайя Фейберга қарши гиламга чиқади. Бу ҳақда MMA Fighting нашри хабар бермоқда. RAF 6 турнири доирасида ўтадиган ушбу беллашувга 28 февраль куни АҚШнинг Аризона штати Темпе шаҳри мезбонлик қилади. 

Генри Сехудо бир ой олдин ММАдаги фаолиятини якунлаган эди. Ўшанда у UFC турнири доирасида Пэйтон Талботтга очколар ҳисобига кўра имкониятни бой бериб қўйганди. Сехудо эркин кураш бўйича Пекин-2008 Олимпиадаси чемпиони ҳисобланади. У MMAдаги сўнгги тўртта жангида мағлубиятга учраган. 

46 ёшли Фейбер эса собиқ WEC чемпиони бўлган. UFC камари учун даъвогарлик қилган. 2024 йилда у Жефф Гловер ва Бибиано Фернандесни грепплинг бўйича ўтказилган жангларда мағлубиятга учратган. Унинг ММАдаги сўнгги ғалабаси 2019 йилга тўғри келади. Ўшанда у бир дақиқада Рики Саймонни нокаутга учратгади. Кейин эса Петр Янга нокаут билан ютқазганди.