Гэтжи ўзи жанг қилишни истайдиган икки нафар рақиби номини айтди

Енгил вазн чемпионлигига собиқ даъвогар, америкалик Жастин Гэтжи навбатдаги жангида кимга қарши октагонга чиқишни хоҳлашини айтди.

"Мен учун ҳар бир жанг бир ҳил аҳамитяга эга. Менга иккита ғалаба керак, ва уни ким орқали қўлга киритишим аҳамиятсиз. Ўйлашимча, Чарльз Оливейра ва Рафаэль Физиев билан жанг қиламан. Бу икки йигит яқин орада менинг рақибимга айланади. Мени бу истиқбол ҳаяжонлантирмоқда.

Умуман олганда, рақиб танлаш бўйича мураббий ва менежеримга ишонаман. Улар энг яхши номзодни танлашини биламан", - деди Гэтжи.