Гэтжи Хабиб билан жанг олдидан Абу-Дабида нима бўлгани ҳақида эслади

"Агар сиз одатий ҳаёт тарзига амал қилсангиз Абу-Дабида сиз учун жуда қийин бўлади. У ерда бутунлай бошқача. Турли вақт минтақаси, озиқ-овқат, ҳаво, сув, маданият. Мен у ерда ўзимни ноқулай ҳис қилдим. У ердаги таомлар менга ёқмади. Фақат мол гўшти бор эди. Лекин, бу ҳам одатий мол гўшти эмас эди. Уларда жўхори йўқ экан. Хабибга қарши жангдан олдин пулсим 68 га кутарилди. Тони ва Чендлер билан жанг куни эса 33-36 дан ошмаган.

Абу-Дабида эрталаб уйғониб пулсни текширганимда, ҳеч нарсани тушунмай қолдим. Уйқусизлик менга катта таъсир кўрсатди. Ўзимга бўлган ишончни яхши овқатланиш орқали ривожлантираман. Аммо, у ерда буни иложи бўлмади", — деди Гэтжи.

Эслатиб ўтамиз, 2020 йилнинг 24 октябрида Гэтжи UFC 254 турнирининг чемпионлик жангида Хабиб Нурмагомедовга мағлуб бўлган эди.

Россиялик ўз фаолиятини UFC чемпиони ва енгилмас жангчи сифатида якунлаганди. Хабиб аралаш яккакурашлар бўйича 29 та жанг ўтказиб уларнинг барчасида ғалаба қозонган.