08 июл 12:51
Янгиликлар
Гильберт Бёрнс: "Диазда умуман имкон йўқ"
"Чимаев икки нафар топ жангчини мағлуб этди, ўз вазнининг кучли учлигига кирди. Энди у бир неча йилдан буён ғалаба қозона олмаётган Нейт Диаз билан жанг қиладими? Рейтинг нуқтаи назаридан бу жанг ҳеч қандай аҳамиятга эга эмас. Бироқ, бу спорт турининг мухлиси сифатида, менга бу жангни кўриш қизиқ бўлар эди.
Бу жангда Нейтнинг умуман имкони йўқ, менимча. Нейтнинг қандай қилиб ғалаба қозониши мумкинлигига тушуна олмаяпман. Лекин мен бу спорт турининг мухлисиман, бу жангни кузатишни рад этмас эдим. Менга Нейт иштирокидаги жангларни кўриш ёқади. Ҳеч қандай аҳамиятга эга бўлмасада, мен бу жангни томоша қиламан", - дея Бёрнснинг сўзларини келтиради MMA Junkie нашри.
Эслатиб ўтамиз, Нейт Диаз сўнгги бор ўтган йилнинг 13 июнида Леон Эдвардсга қарши жанг қилган эди. Аввалроқ, ташкилот президенти Дана Уайт Диазнинг кимга қарши жанг қилиши кераклигини айтган эди.
Фикрлар