Ғофур Раҳимов ва Серик Конакбоев AIBA президентлигига номзод сифатида кўрсатилди

Бу ҳақида daryo.uz нашри ТАССга асосланиб хабар бермоқда.

23 сентябрь, якшанба куни AIBA президенти лавозимига номзодлар аризаларини топшириш якунланди. Президентликка сайлов эса 2—3 ноябрь кунлари Москвада бўлиб ўтади. «Ғофур Раҳимов ва Серик Конакбаевлар номзоди илгари сурилди», — деб баёнот берди Россия бокс федерацияси бош котиби Умар Кремлев.

Аввалроқ Ғофур Раҳимов ва Халқаро олимпия қўмитаси (ХОҚ) ўртасида муаммо пайдо бўлгани ҳақида хабар берилганди. ХОҚ Раҳимовга номзодини бекор қилишни тавсия қилиб, бундай бўлмаган тақдирда бокс Олимпия ўйинлари дастуридан чиқариб юборилиши мумкинлиги борасида огоҳлантирилди.

Аммо AIBA раҳбари бу қўнғироқларга ўз муносабатини билдириб, ташкилот президентлиги учун номзодини илгари суришини маълум қилди.

Olamsport.com сайтига маълум бўлишича, AIBA 3 октябрь куни сайловларда иштирок этадиган номзодлар рўйхатини расман эълон қилади.