20 апр 08:26
Янгиликлар

Бокс/ММА

Головкин ёки Бивол? Канелонинг энг хавфли рақиби ким?

Telemundo Deportes канали шарҳловчиси Мигель Гурвиц Сауль Альвареснинг (57-1-2, 39 КО) бўлажак рақиблари — Дмитрий Бивол (19-0, 11 КО) ва Геннадий Головкинни (42-1-1, 37 КО) солиштирди.

— Канелонинг Головкин билан учинчи жанги Мексика мустақилликка эришган кунда ташкиллаштирилиши керак, қизиқ бўлади! Бутун дунё бу жангни кўришни хоҳлайди. Пул, чипталар. Ҳамма бу жанг ҳақида гапиради. Лекин, Канелонинг рақибларини солиштирадиган бўлсак, у учун Бивол хавфлироқ деб ўйлайман", - дея таъкидлаган эксперт.

Канело — Бивол жанги 7 май куни бўлиб ўтади, Саулнинг Головкин билан трилогияси эса 17 сентябрь санасида ўтказилиши режалаштирилмоқда.