Гонконг U-23 терма жамоаси Осиё ўйинларидаги тарихий натижаси учун 100 минг АҚШ долларидан кўпроқ мукофот пули олди

Гонконг U-23 терма жамоаси Осиё ўйинларида тарихий натижа эришиб, илк маротаба 4-ўринни эгаллади. 

Бугун футбол ассоциацияси Коулун кўрфазидаги ресторанлардан бирида байрам зиёфати уюштирди. Мураббий Йорн Андерсен саҳнада нутқ сўзлади ва олимпия терма жамоаси футбол ассоциациясидан 850 минг Гонгконг доллари (108700 АҚШ доллари) миқдорида бонус олганини маълум қилди.

"Ёш ўйинчиларнинг йирик спорт мусобақаларида муносиб иштирок этиши уларнинг қобилиятли эканлигидан дарак беради. Бу йигитлар Гонконг жамоасининг келажаги ҳисобланади. Бу натижа уларг далда беради. Қолаверса, мукофотлар ҳам уларни келажакда олдинга силжишга ундаши мумкин", – деди германиялик мутахассис. 

Эслатиб ўтамиз, ўз тарихида илк маротаба 4-ўринни эгаллаган Гонконг терма жамоаси турнир давомида 3 маротаба Ўзбекистон олимпия терма жамоаси билан куч синашди ва барчасида имкониятни бой берди.