Grand Chess Tour: Синдаров 475 000 долларлик турнирдаги юришини бошлади

Дунёнинг кўзга кўринган гроссмейстерлари иштирок этаётган турнир классик шахмат йўналишида 9 турдан иборат айланма тизимида ўтказилади. Биринчи турда Жавоҳир Синдаров америкалик Левон Аронянга қарши оқ доналарда ўйнади. Ҳамюртимиз 30-юришдан кейин катта устунликка эга бўлса-да, якунда учрашувда дуранг натижа қайд этилди. 

Биринчи турда биргина Фабиано Каруана ғалабага эришди. Америкалик шахматчи нидерландиялик Йорден ван Форестни мағлубиятга учратди. Қолган партияларда томонлар муросага келишди. 

Бугун 2-турда Жавоҳир Синдаров ҳиндистонлик Рамешбабу Праггнанандҳага қарши қора доналарда ўйнайди. Учрашувлар бизнинг вақт билан соат 22:00да бошланади. Якка пешқадам бўлиб турган Каруана нидерландиялик Аниш Гири билан қора доналарда ҳисоб-китоб қилади.    

Иштирокчиларнинг тўлиқ таркиби: Жавоҳир Синдаров (Ўзбекистон), Фабиано Каруана (АҚШ), Рамешбабу Прагнанандҳаа (Ҳиндистон), Уэсли Со (АҚШ), Левон Аронян (АҚШ), Аниш Гири (Нидерландия), Винсент Кеймер (Германия), Максим Вашье-Лаграв (Франция), Йорден ван Форест (Нидерландия), Сэм Севьян (АҚШ).