Грикспур фаолиятидаги илк совринга Пунада эга чиқди

Ҳал қилувчи финал учрашувида дунёнинг 95-ракеткаси бўлиб турган нидерландиялик Таллон Грикспур рейтингда ўзидан 35 поғона юқорида бораётган франциялик Бенжамин Бонцига қарши кортга чиқди. 

Икки соату 18 дақиқа давом этган баҳсда Таллон рақибини 4/6, 7/5, 6/3 ҳисобида енгиб, фаолиятидаги илк ATP совринига эга чиқди. Теннисчиларнинг ўзаро учрашувлардаги ҳисоб мувозанати тикланди - 1:1. 

Грикспур 17, Бонци эса 11 та эйс зарбасини амалга оширган. Қўшхатолар ҳар икки теннисчида ҳам 4 тани ташкил этган. Таллон бир ҳафталик меҳнатидан 250 рейтинг очкоси ҳамда 97,760 АҚШ доллари миқдорида мукофот пули ишлаб олди. Бонци эса 150 балл ва 57,025 долларга эга чиқди.