23 мар 10:10
Янгиликлар

Бокс/ММА

Грузия президенти UFC чемпиони Топурияга давлат мукофоти топширди + ФОТО

Асли келиб чиқиши грузиялик аралаш яккакураш устаси Илия Топурия Ҳурмат орденига лойиқ кўрилди.

Октагонда Испания шарафини ҳимоя қилаётган Илия ушбу давлат мукофотини шахсан Грузия президенти Саломе Зурабишвилининг қўлидан қабул қилиб олди. Топурия мамлакатда спорт ривожига қўшаётган улкан ҳиссаси учун тақдирланди.

"Сизга ушбу мукофотни топшириш мен учун катта шараф", — деди Зурабишвили.

"Ўз ўрнида бундай юксак мукофотни қабул қилиб олиш мен учун ҳам катта шараф. Мен Грузияни оддий фуқаро сифатида тарк этгандим. Ҳозир эса Ватанга қайтдим ва давлат мукофотига лойиқ кўрилдим. Бу менга фахр ва ифтихор туйғусини беради. Илиқ сўзлар учун сизга катта раҳмат. Яшасин Грузия!", – деди Топурия.

Эслатиб ўтамиз, Илия Топурия австралиялик Александр Волкановскини мағлубиятга учратиб, UFC чемпионига айланган эди.