Грузия терма жамоаси Тошкентга етиб келди

Ушбу йиғинда юртимиз дзюдочилари билан бирга Грузия, Франция, Қирғизистон ва Миср терма жамоалари аъзолари иштирок этади. Бугун тонг саҳарда Грузия терма жамоасининг уч нафар дзюдочиси - Лукхуми Чквимиани, Варлан Липартелиани ва Левани Матиашвили пойтахтимизга етиб келди. 

Аввалроқ, Гурам Тушишвили ва Зебеда Рехвиашвили Тошкентга келиб, ҳатто машғулотга ўтказишга ҳам улгуришганди. Шунингдек, Грузия делагацияси таркибида Амбако Авалиани, Автандил Телиа (иккиси ҳам мураббий), Автандил Кобахидзе (шифокор) ҳам бор.   

Эслатиб ўтамиз, Тошкентга келган Грузия терма жамоасининг 5 аъзосидан 4 нафари ҳозирда Токио Олимпиадаси рейтингининг йўлланмалар зонасида бормоқда.  

Грузия терма жамоаси таркиби: 

-60 кг: Лукхуми Чквимиани (рейтингдаги ўрни 9, 3586 очко)

-81 кг: Зебеда Рехвиашвили (рейтингдаги ўрни 98, 323 очко)

-100 кг: Варлан Липартелиани (рейтингдаги ўрни 5, 4796 очко)

+100 кг: Гурам Тушишвили (рейтингдаги ўрни 4, 5125 очко)

+100 кг: Левани Матиашвили (рейтингдаги ўрни 23, 2038 очко)