19 окт 09:28
Янгиликлар

Шахмат

Гулруҳбегим Тоҳиржонова АҚШ чемпионатида иккинчи бўлди ва 30 000 доллар ишлаб олди

АҚШда шахмат бўйича аёллар ўртасида мамлакат чемпионати ўз якунига етди.

Унда Ўзбекистонда таваллуд топган Гулруҳбегим Тоҳиржонова ҳам иштирок этди.

Юртдошимиз 12 та тур якунига кўра 8 очко тўплади ва иккинчи ўринни қўлга киритди.

Қайд этиш лозимки, Тоҳиржонова сўнгги партияда имкониятни бой бериб қўйди. Агар у рақибасини мағлубиятга учрата олганида, АҚШ чемпионига айланган бўларди.

Ушбу муваффақият орқали Тоҳиржонова 30 000 АҚШ доллари миқдорида мукофот пулига эга бўлди.