Гусковнинг жамоадоши оёғи йўқ рақибга қарши жанг ўтказади

Оқшом доирасида ҳамюртимиз Богдан Гусковнинг "ГОР ММА"даги жамоадоши Вальтер Уокер ҳам чиқиш қилади. Бразилиялик аралаш яккакураш устаси грепплинг бўйича баҳсда америкалик оёғи йўқ жангчи Зайон Кларкка қарши жанг ўтказади. Бу хабарни мусобақа ташкилотчилари расман тасдиқлашди. 

Камдан-кам учрайдиган туғма нуқсони туфайли оёқсиз туғилган 28 ёшли Зайон Кларк турли спорт турларидаги чиқишлари билан машҳурликка эришди. Огайо штатида туғилган спортчи бир нечта Гиннес рекордларига эга, эумладан, 20 метрга қўлда югуриш бўйича. Университет кураш жамоаси аъзоси 2022 йилда ММАда муваффақиятли дебют қилган.

"ГОР ММА" клубининг 28 ёшли вакили Вальтер Уокер эса UFC’да тўртта ғалабали серияга эга бўлиб, барча рақибларини биринчи раунддаёқ мағлубиятга учратган. Айни пайтда ташкилотнинг оғир вазн тоифаси рейтингида ўн тўртинчи ўринни эгаллаб турибди.