Ҳаммаси бир ойдами? Ўзбекистонлик UFC жангчиси Богдан Гусковнинг кейинги жанги қачон бўлиши маълум

Бизга маълум бўлишича, ҳамюртимиз UFC'даги иккинчи жангини 2024 йилнинг февраль ойида ўтказади.

Аввалроқ, Богданнинг ўзи Instagram саҳифаси орқали навбатдаги жанги санаси ва рақиби аниқ экани, аммо ҳали келишув жараёни кетаётганини ёзган эди.

Ҳамюртимиз айни дамда Россиядаги "Gor MMA" залида машғулот олиб бормоқда.

Қизиғи, UFC'даги яна бир вакилимиз Маҳмуд Мурадовнинг жанги ҳам 4 февраль куни ўтказилиши расман тасдиқланган. Бундан ташқари, яна бир жангчимиз Нурсултон Рўзибоев ҳам февраль ёки март ойида октагонга қайтишини маълум қилган.

Эслатиб ўтамиз, Богдан Гусков UFC'даги илк жангини Швейцария вакили Волкан Оздемирга қарши ўтказиб, илк раундда мағлуб бўлган эди.