Ҳамюртимиз Лас-Вегасда Рой Жонс ташкил қилган бокс оқшомида рингга кўтарилди

Ушбу бокс оқшоми америкалик собиқ машҳур боксчи Рой Жонс томонидан ташкил этилди. Жанглардан бири ўзбекистонлик боксчи иштирокида бўлиб ўтди. Равшан Худойназаров олти раундга мўлжалланган жангда америкалик Жон Верага қарши рингга кўтарилди. 

Афсуски, Роберт Хоэл реферилик қилган жанг якунида ҳакамлар 58:56, 58:56, 58:56 ҳисобидаги ғалабани мезбон боксчига тақдим этишди. Бу жанг Вера учун фаолиятидаги 20, Равшан учун эса 19-жанг эди. 

Жон 20 та жангдан 19 тасида ғалаба қозонган. Нокаутли ғалабалари сони 11 та. Бир бор мағлубиятга учраган. 35 ёшли Худойназаров эса фаолиятидаги кетма-кет иккинчи мағлубиятини қабул қилди. Ҳисобида 17 та ғалаба бор. Ўн учта жангни муддатидан аввал якунлаган.