Ҳақиқий сенсация! Жошуа Ван камар учун асосий даъвогарни тўхтатиб қолди

Лас-Вегасдаги мусобақа давомида ўта енгил вазн тоифасидаги рейтинг жанги ташкил этилди.

Унда америкалик биринчи рақамли спортчи Брэндон Ройвал рейтингнинг 12-поғонасидаги Мьянма вакили Жошуа Ванга қарши октагонга кўтарилди.

Тўлиқ давом этган беллашувда сенсация гувоҳига айландик. Жошуа Ван жангда 29-28, 29-28, 30-27 ҳисобида ҳакамларнинг якдил қарори билан ғалабани ўзиники қилди. У кетма-кет бешинчи жангида ҳам зафар қучди ва эндиликда катта эҳтимол билан камар учун мажбурий даъвогарга айланди.

Таъкидлаш жоиз, ушбу вазн тоифасида ҳамюртимиз Рамазон Темиров ҳам фаолият юритади. Рейтингнинг 14-ўрнида бораётган спортчимиз 26 июль куни Асу Алмабаев билан тўқнаш келади.