“Ҳаққим бор” фильмининг премьераси бўлиб ўтди

 Фильм бугунги кун зўраволикка учраётган болаларининг орзу-умидлари, ҳаётга бўлган қизиқишлари ҳамда улар дуч келаётган ижтимоий муаммоларни чуқур ёритиб берган.

Ушбу картинада болаларнинг ички кечинмалари, ижтимоий ҳимоя ва қўллаб-қувватлаш муҳитида ўз ўрнини топишга бўлган интилишлари маҳорат билан ифодаланган.

Премьерада Ўзбекистон Республикаси Президенти ҳузуридаги Ижтимоий ҳимоя миллий агентлиги, шунингдек, Миллий Олимпия ва Паралимпия қўмиталари раҳбарияти, спорт ва кино оламининг таниқли вакиллари иштирок этди.

Фильм намойиши 1 июнь — “Халқаро болаларни ҳимоя қилиш куни” арафасида ташкил этилгани билан янада аҳамиятли бўлди. Бу эса фильмнинг асосий ғояси — болаларнинг ҳуқуқлари, имкониятлари ва жамиятдаги ўрни борасидаги масалаларни кенг жамоатчилик эътиборига ҳавола этиш мақсадини янада кучайтирди.

Фильм намойиши якунидан кейин расмийлар зўравонлик қурбони бўлган болалар томонидан чизилган суратлар кўргазмасини кўздан кечиришди. Унда болалар дунёни қандай кўришлари, ички кечинмалари таъсирли акс эттириб берилган.