Ҳасанбой Дўсматов проф рингга қайтмоқда. Ҳамюртимиз Сакен Бибиосинов билан бир оқшомда жанг қилади

Биз учун аҳамиятлиси, мусобақа доирасида ҳаваскор боксда икки карра Олимпиада чемпиони Ҳасанбой Дўсматов ҳам иштирок этади. Проф рингдаги еттинчи жангида Дўсматов Филиппин вакили Ричард Ласпонага қарши баҳс олиб боради.

Маълумот учун, Андижонда туғилган 31 ёшли Ҳасанбой ҳозирга қадар проф рингда 6 та жанг ўтказиб, уларнинг барчасида ғалаба қозонган. Юртдошимиз сўнгги жангини 2023 йил ноябрь ойида Россия Федерациясида ЖАР вакили Сипхамандла Баленига қарши ўтказиб, очколар ҳисобига кўра зафар қучганди. 

Ричард Ласпона ҳисобида эса 8 та жангда қўлга киритилган 8 та ғалаба бор. Қизиғи, Қирғиз Республикасидаги ушбу турнир доирасидаги жанг Ласпона учун Филиппиндан ташқарида ўтказган илк жанги бўлади.

Таъкидлаш жоиз, Бишкекдаги бокс оқшомида Дўсматовдан ташқари коста-рикалик Дэвид Хименес, қозоғистонлик Сакен Бибиосинов ҳамда Париж Олимпиадасида ўзбекистонлик Акмал Ҳасанов мураббийлигида иштирок этган қирғизистонлик Мунарбек Сейтбек Уулу каби таниқли боксчилар қатнашади.