Ҳасанбой Дўсматов АҚШга жўнаб кетди + ФОТО

Чарм қўлқоп устамиз АҚШга навбатдаги жангга тайёргарлик кўриш учун йўл олдими? Ҳозирча бу номаълум.

Аввалроқ Ҳасанбой Дўсматов 2025 йилги бокс мавсумида проф рингдаги фаолиятини давом эттириши ва бир нечта жанг ўтказишини айтган эди. Шунингдек, Ўзбекистоннинг 2024 йилги энг яхши спортчиси ҳаваскорлар ўртасида ташкил этиладиган жаҳон чемпионатида ҳам қатнишиш истагини борлигини маълум қилганди. 

Ҳасанбойнинг бу йил ҳисобидан ҳаваскорда боксда ўтказган сўнгги жанги Россия Федерациясининг Хабаровск шаҳри мезбонлик қилган "Константин Коротков" халқаро хотира турнирига тўғри келади. Ўшанда у Фарёзбек Дўсматов билан 1/4 финалда тўқнаш келиб қолди ва табиийки, укасига йўлни бўшатиб берди. 

Маълумот учун, Ҳасанбой Дўсматов проф боксда 6 та жанг ўтказиб, уларнинг барчасида ғалаба қозонган. Жангларнинг 5 тасини муддатидан аввал якунлаган. Охирги жангини 2023 йилнинг 6 ноябрь куни Москвада Сифамандла Баленига қарши ўтказиб, рақибини 10 раунд тўлиқ давом этган жангда очколар ҳисобига кўра мағлуб этган эди.