"Улар ўзларини ММА асосчилари каби тутишди". Топурия Махачевнинг жамоаси ҳақида

"Ислам Махачев ва Хабиб Нурмагомедов мени даъвогарлик жангини ўтказишга мажбур дея даъво қилишди. Улар буни жуда муҳим деб кўрсатишга уриндилар. Ўзларини ММА асосчиларидек тутишди. Мен эса шундай дегим келган: "Йигитлар, хотиржам бўлинглар. Қуёшдан баҳра олинглар ва нима айтилса, шуни қилинглар".

Даъвогарлик жанг ҳақидаги гаплар — бу уларнинг ўйдирмаси. Ислам: "Мен камарни ташлаб кетмайман! Илия титул учун жангга лойиқ бўлиши керак!" деб бақирарди. Энди қаранглар, қандай бўлди — Исламни камардан воз кечишга мажбур қилишди ва мен дарҳол титул имкониятини олдим", — деди UFC’нинг собиқ ярим енгил вазн чемпиони Илия Топурия.