ATP рейтинги. Топ-10`да янги меҳмон, теннисчиларимизда вазият чатоқ

Янгиланган рейтингдан худди ўтган ҳафтада бўлгани сингари 8 нафар теннисчимиз жой олган. Лекин етакчи ракетка усталаримиз рейтингда пасайишган. Мамлакатимизнинг биринчи ракеткаси Ҳумоюн Султонов 3, иккинчи рақамли теннисчимиз Сергей Фомин 4, учинчи ракеткамиз Максим Шин эса ўтган ҳафта билан таққослаганда 2 поғонага пастлаган. 

Аксинча, оз бўлса-да, Амир Милушев 4, Батир Сапаев 2, Абдулазиз Усмонжонов 1 поғонага кўтарилган. Дамир Абдусамадов ва Раҳимбек Иброҳимов бир хилда 6 поғонага қуйига "шўнғишди". 

Дунё теннисчиларининг Топ-10`талигида бир нечта ўзгариш кузатилди. Штутгарт турнири чемпиони Тэйлор Фриц Топ-5`га қайтди. Жек Дрэйпер эса аксинча, 4-ўриндан 6-поғонага тушди. Штутгарт турнири ярим финалчиси Бен Шелтон Топ-10`таликда дебют қилди. Хертогенбосдаги чемпионлик очколарини ҳимоя қила олмаган Алекс Де Минаур Топ-10`таликни тарк этди. Италиялик Янник Синнер ҳамон дунёнинг биринчи ракеткаси бўлиб турибди. Карлос Алькараз ва Александр Зверев кучли учликдаги ўринларини сақлаб қолишди. 

ATP рейтинги. 16 июнь ҳолатига кўра Топ-10:

1. (1) Янник Синнер (Италия) - 10880 очко

2. (2) Карлос Алькарас (Испания) - 8850

3. (3) Александр Зверев (Германия) - 6500

4. (7) Тэйлор Фриц (АҚШ) - 4735

5. (5) Новак Жокович (Сербия) - 4630

6. (4) Жек Дрэйпер (Буюк Британия) - 4550

7. (6) Лоренцо Музетти (Италия) - 4470

8. (8) Томми Пол (АҚШ) - 3470

9. (9) Хольгер Руне (Дания) - 3440

10. (12) Бен Шелтон (АҚШ) - 3170

Ўзбекистонлик теннисчиларнинг АТР рейтингидаги ўрни:

230 (227). Ҳумоюн Султонов - 247   

451 (447). Сергей Фомин - 99  

1054 (1052). Максим Шин - 12 

1405 (1409) Амир Милушев - 4 

1769 (1771Т). Ботир Сапаев - 1   

1866Т (1867Т) Абдулазиз Усмонжонов - 1

1968Т (1962Т). Дамир Абдусамадов - 1 

1968 (1962Т). Раҳимбек Иброҳимов - 1