09 авг 14:42
Янгиликлар
Бокс/ММА, Токио-2020
Ҳасанбой Дўстматов: "Қозоғистонлик боксчи билан бунгача ҳам жанг қилиб, нокаутга учратганман"
Кеча эквадорлик рақибига қарши жанг ўтказган -49 кг вазнда рингга чиқадиган боксчимиз Ҳасанбой Дўстматов Олимпиададаги иштирокини ғалаба билан бошлади.
Биз жангдан сўнг боксчимиз билан боғланиб, фикрлари билан қизиқдик.
"Барчага қўллаб-қувватлаётганлари учун раҳмат. Ғалаба қозонганимдан хурсандман.
Навбатдаги босқчида қозоғистонлик рақибга қарши жанг қиламан. Бунгача ҳам у билан уч маротаба жанг қилганман. Жангларимдан биттасида уни нокаутга ҳам учратганман. Насиб қилса, бу сафар ҳам мағлубиятга учратиб кейинги босқичга йўлланмани қўлга киритаман", - дейди боксчи.
Эслатиб ўтамиз, боксчимиз кейинги босқичда қозоғистонлик Биржан Жакиповга қарши жанг қилади.
Ҳавола :
Манба : olamsport.com
Фикрлар