"Ҳеч қандай ўғрилик бўлмаган" - WBC президенти Хэйни - Ломаченко жанги натижасини баҳолади

Бокс ташкилоти раҳбарининг сўзларига кўра, жанг натижасининг қанчалар алодатли бўлгани шунчалик даражада қарши фикрлар келтириб чиқармоқда.

"Ҳакамлар ғолибни аниқлаши керак эди. Баъзида бизнинг севимли спорт туримизда, жанглар яқиндан бўлганида ҳакамларнинг қарорларига қарши чиқадиганлар кўп бўлади. Фикрлар мухлислар ва ОАВ ўртасида бўлиниб кетди, айниқса Хэйнининг Ломаченкога қарши жангидан кейин. Бокс доимо баҳслар, матбуот ва мухлислар томонидан босимлар келтириб чиқаради. Қачонки катта жанглар бўлганида барчаси янада кўпроқ кўзга ташланади.

Жангга баҳо бераётган ҳакамлар ҳамда бошқа нигоҳ орқали томоша қилаётганлар ўртасида фарқ катта. Худдики, ринг ёнидагилар илк навбатда, телевидения ёки интернетдан кўраётганлар сўнгги ўриндадек. Ҳар қандай ҳолатда омадсизликни баҳона билан оқлаш ноўрин. Шак-шубхасиз, тушунмаганлар учун бу баҳоланиш жуда тушунарсиз бўлган. Бу эса ушбу спорт турини тушунмаслик, тажрибасизликдан далолат. Ёки шунчаки кун ёмон ўтди, дейиш жуда қийин. Яна бир марта айтаман: бокс - фахрли спорт тури.

Хэйни халқ ёқимтойи бўлган Ломаченкони мағлуб этди, кучли зарбалар берди, рингни назорат қилди ва ҳаракатлари зўр бўлди. Томонлар яқиндан жанг қилишди, шу сабабли исталган натижани қабул қилишга тайёр бўлиш керак эди: ёки бирор жангчининг бир раунд фарқи билан ғалабаси ёки дуранг. 

Шу сабабли бу ерда ижтимоий тармоқларда айтилганидек, ғалабани ўғирлаш деган нарса бўлгани йўқ. Барчамиз масъулиятни бўйнимизга оламиз ва фактларни қабул қиламиз. Бу ерда катта ходиса бўлиб ўтди ва бундан фақатгина бокс ютди. Спорт туримизга бунчалик даражада негативлик олиб кирманг", - деди Сулейман.