Ҳиндистон ММА промушени афғон жангчиларига тақиқ қўйди

Ҳиндистоннинг Matrix Fight Night промоушени афғонистонлик спортчиларга лига ташкил этган турнирларда қатнашишни бутунлай тақиқлади. Бундай қарорга пуэрто-риколик Сет Росарио ва афғон Заҳур Шоҳ ўртасидаги жангдан кейинги шов-шувли воқеа сабаб бўлди.

Биринчи раундда ғалабани пуэрто-риколик жангчи қўлга киритди, шундан сўнг октагонда муштлашув бошланди, жараёнда Шоҳ жамоаси аъзолари Росарионинг секундантларидан бирининг жағини синдиришди.

Афғон мухлислари ҳам тартибсизликларда фаол иштирок этиб, Росарио жамоаси томон шиша улоқтиришган. Шунингдек, афғонистонлик бир неча ўнлаб томошабинлар пуэрто-пиколикнинг секундантларини ғишт билан қувлаган.