"Ҳумо" "Ак Барс" тарбияланувчисини ўз сафига қўшиб олди

Марказий ҳужумчи Александр Зайцев эндиликда "қанотилилар" учун ўйнайди. Хоккейчи 2000 йил 22 декабрь куни Россиянинг Қозон шаҳрида туғилган. У "Ак Барс" клуби тарбияланувчиси. Ўтган мавсумни "Нефтьяник" жамоаси билан ВХЛда ўтказган. Мунтазам чемпионат доирасида умумий 108 та ўйин ўтказиб, 29 (10+19) очко жамғарган.

Александр Зайцев "Ҳумо" таркибида 43-рақамда ўйнайди.

Маълумот учун, "Ҳумо" Қозоғистон очиқ чемпионатининг ортда қолган тўртта туридан сўнг 8 очко билан мусобақа пешқадами бўлиб турибди.