"Ҳумо Арена"да хоккей бўйича халқаро турнир ўтказилади, кириш бепул

2-5 июнь кунлари ўтказиладиган мазкур турнир болалар ўртасида ўтказилиб, унда Латвия, Қозоғистон ва Қирғизистондан ташриф буюрадиган жамоалар иштирок этади, деб хабар қилмоқда МОҚ матбуот хизмати. 

Регламентга кўра, мусобақада “Бинокор” ва “Ташкент Сити” жамоалари юртимиз шарафини ҳимоя қилишади. Шунингдек, “Рига” (Латвия), “Кайсар” (Қозоғистон) ва “Алға” (Қирғизистон) жамоалари ҳам бош соврин учун кураш олиб бориши белгилаб қўйилган.

Баҳсларга “Хумо арена” мезбонлиқ қилади ва унга кириш бепул. Тақвимга кўра, 2-4 июнь кунлари ўйинлар бўлиб ўтса, 5 июнь санасида барча иштирокчилар учун Тошкент бўйлаб маданий дастурлар ишлаб чиқилган.