“Ҳумо” бош мураббийи: Йигитлар олдида шляпамни ечаман!

Хабар берганимиздек, “Ҳумо” жамоаси мусобақа пешқадамига қарши кечган драматик учрашувда фақатгина буллитлар сериясида кучли рақибга имкониятни бой бериб қўйганди. 

– Жуда оғир ўйин ўтказдик. Йигитлар кучли рақибга қарши муносиб қаршилик кўрсатишди. Уларга раҳмат айтаман ва шляпамни ечаман. Курашдик, лекин лотореялар баҳсида омад биздан юз ўгирди. 

– Икки йил аввал сиз Питернинг бошқа бир клубини бошқарган эдингиз. Табиийки, бу шаҳарнинг икки жамоасини яқиндан биласиз. Нева бўйларидан очко олиб кетиш осон эмас. Лекин сиз “Ҳумо” билан мрга бунга жуда ҳам яқин келдингиз...

– Биласизми, бу икки хил давр. Бир-бири билан таққосламаган бўлардим. Ўша пайтда бошқа жамоа эди. Ҳозир умуман бошқа коллектив. Ҳа, тан оламан, Петербургда икки ажойиб жамоа шаклланган. Мураббийи бемалол таркибни ўзгартириб ўйната олади. Иккита тенг кучли таркибнинг бўлиши бу мураббийнинг ишини енгиллаштиради. “Динамо” ҳам, “Нева” ҳам жуда кучли таркибга эга. Биз рақиб жамоаларни жиддий тарзда ўргандик. “Динамо” жорий мавсум чемпионлиги учун биринчи рақамли даъвогар. 

– Тўрт имкониятдан уч очко. Натижадан кўнглингиз тўлгандир? 

– Ажойиб натижа! Лекин омадсизлик бизни тарк этмаяпти. Ҳар сафар бироз омад етишмаяпти. Тверда ўйнаганимизда ҳам шундай бўлганди. Ҳисобда олдинда бора туриб, якунда ғалабани сақлаб қололмагандик. Бизга чидамлилик етишмаяпти ва албатта четлатишлар ҳам ўзининг салбий таъсирини ўтказмай қолмади. 

– “Ҳумо” ҳал қилувчи голни камчиликда, 3х5 кўринишида ўтказиб юборди. Ворошилога Ручкиннинг зарбасини қайтариш учун қандайдир сониянинг улуши етмади...

– Ажойиб йигитлар! Уларнинг аксарияти чемпионат бошланиши арафасида жамоамизга келиб қўшилишди. Артём Ворошилони бежизга сардор сифатида танламаганмиз. Характерга эга хоккейчи эканлиги кўриниб турибди. Жамоадошларини ўз ортидан эргаштира оляпти. “Динамо” бугун ҳимояда яхши ўйнади. Бежизга бу жамоа чемпионатда пешқадамлик қилмаяпти.