25 авг 12:20
Янгиликлар
"Ҳумо" кеча амалдаги Кубок соҳибига буллитлар сериясида ютқазди. Кейинги ўйинлар қачон?
Қисқа муддатда таркиби қайта шакллантирилган Тошкентнинг "Ҳумо" жамоаси гуруҳ босқичининг илк учрашувини амалдаги Қозоғистон Кубоги соҳиби, Қарағанданинг "Сариарка" клубига қарши ўтказди. Асосий вақтда томонлар 2:2 ҳисобидаги дурангга имзо чекишди. Буллитлар сериясида эса омад мезбонларга кулиб боқди.
Қозоғистон Кубоги ҳар йили август ойида, чемпионат бошланиши олдидан ўтказиб келинади. Унда Pro Hokei Ligasy турнирида иштирок этувчи жамоалар бош соврин учун баҳс олиб боради. Бу йилги турнир 1 сентябрга қадар давом этади ва унда 12 жамоа 3 гуруҳга бўлинган ҳолда кубок учун курашади. А гуруҳи ўйинлари Қарағанда, B квартети учрашувлари Алмати, C гуруҳи баҳслари эса пойтахт Нур-Султан шаҳрида ўтказилади.
Гуруҳ ғолиблари ҳамда энг яхши натижа қайд этган битта жамоа 1/2 финалга йўл олади. Ярим финал 31 август, финал учрашуви эса 1 сентябрь куни Нур-Султан шаҳрида бўлиб ўтади. Сўнгги икки йилда "Ҳумо"нинг кечаги рақиби "Сариарка" Қозоғистон Кубоги соҳиби бўлиб келмоқда.
Қозоғистон Кубогининг барча ғолиблари
2021 - "Сариарка"
2020 - "Сариарка"
2019 - "Алтай-Торпедо"
2018 - "Алтай-Торпедо"
2017 - "Кулагер"
2016 - "Кулагер"
"Ҳумо"нинг кейинги ўйинлари:
26 август, жума
"Актобе" - "Ҳумо"
"Кулагер" - "Сариарка"
28 август, якшанба
"Ҳумо" - "Кулагер"
"Сариарка" - "Актобе"
Фикрлар