"Ҳумо" ўзбек хоккейчиси билан шартномани узайтирди ва яна бир хужумчини таркибга қўшиб олди

Кеча "қанотлилар" ўзбекистонлик ҳимоячи Даниэль Коган билан шартнома узайтирилганини эълон қилди. Коган ўтган мавсум жамоа таркибида еттита ўйин ўтказган эди.


Шунингдек, "Ҳумо" раҳбарияти ҳужумчи Андрей Болучевский билан келишувга эришилганини эълон қилди.

Россиялик марказий форвард 2003 йил 5 январь куни Тверь шаҳрида туғилган. Маҳаллий "Тверичи" клуби тарбияланувчиси ҳисобланади. Олий хоккей лигасида умумий 18 та ўйин ўтказиб, 3 очко (1+2) қўл киритган. Ёшлар хоккей лигасида эса 126 та ўйинда музга чиқиб, 79 очко (35+44) жамғарган.