"Ҳумо" Ўзбекистон очиқ чемпионати ғолибига айланди

"Қанотлилар" мусобақа финалида Қирғиз Республикасининг "Учур" жамоасини 5 та ўйин натижасига кўра 4:1 ҳисобида мағлубиятга учратди.

Сериянинг якуний, бешинчи ўйинида "Ҳумо" 7:3 ҳисобида зафар қучди.

Шу тариқа, мусобақа ғолиблиги "Ҳумо"га насиб этган бўлса, Қирғизистоннинг "Учур" клуби иккинчи, Самарқанд вилояти шарафини ҳимоя қилувчи "Шердор" эса учинчи ўринни эгаллади.