"Ҳумо" плей-оффнинг учинчи учрашувида ҳам ғалаба қозонди

"Қанотлилар" Тошкентда ўтган ҳар икки ўйинда "Горняк"дан устун келишганди. Кеча Руднийда кечган учинчи баҳсда ҳам хоккейчиларимиз 3:1 ҳисобида зафар қучиб, сериядаги ҳисобни 3:0 кўринишга келтиришди. 

Марказий ҳужумчи Дмитрий Гренц кечаги ўйин қаҳрамонларидан бири бўлди. Айнан у киритилган уччала шайбага ҳаммуаллифлик қилди. Унинг шайба оширишидан кейин Андрей Буяльский дублга эришди. Учинчи гол Вадим Кравченко ҳисобига ёзилди.

Маълумот учун, плей-оффдаги ўйинлар 4 та ғалабагача давом этади. Эртага жамоалар ўртасидаги тўртинчи учрашув ўтказилади. Ушбу баҳс бизнинг вақт билан соат 19:00да бошланади. Чорак финалда саралаш босқичини пешқадам сифатида якунлаган Кокшетаунинг "Арлан" клуби худди биз сингари 3 та ўйинда юз фоизлик натижа қайд этди.