"Ҳумо" яна уч нафар хужумчи билан шартнома имзолади

2019-2020 йилги мавсумда "Ҳумо" шарафини ҳимоя қилган Жавоҳир Расулов жамоага қайтди. 

Aсли тошкентлик бўлган Самара хоккейи тарбияланувчиси Жавоҳир Расулов 2019/2020 йилги мавсумда ОХЛда “Ҳумо” ва Қозоғистон Республикаси Очиқ чемпионатида “Ҳумо-2” таркибида ўйинаган. Расуловнинг сўнги жамоаси Беларусь иккинчи лигасидаги иштирок этувчи "Витебск" ХК бўлган. Жавоҳир ўтган мавсумда Тошкентда мураббий бўлиб ишлаган.

Новокузнецкнинг “Металлург” клуби тарбияланувчиси Юрий Назаров ҳам жамоа билан шартнома имзолади. КХЛда "Металлург" ва "Aмур" таркибида 86 та ўйин ўтказиб, 15 (7 + 8) очко тўплаган хоккейчи ўтган мавсумда Руминия чемпионатида ўйнади ва 26 ўйинда 55 (20+35) очко тўплашга эришди.

"Ҳумо" ўз таркибига қўшиб олган учинчи хоккейчи Герман Сауков. Хоккейга илк қадамларини Бишкекда қўйган Герман Сауков кейинчалик Россияга кўчиб ўтган. МХЛда у 81 ўйин ўтказиб, 37 (11 + 26) очко тўплаган. Сўнги клуби - "Сахалин Акулалари".