31 май 10:43
Янгиликлар

Хоккей

"Ҳумо"дан ажойиб трансфер. "Қанотлилар" "Сариарка"нинг энг сермаҳсул хужумчиси билан шартнома имзолашди!

Тошкентнинг "Ҳумо" хоккей клуби янги мавсум олдидан навбатдаги трансферни амалга оширди.

Россиялик 30 ёшли хужумчи Антон Злобин эндиликда "Ҳумо" жамоаси сафида ўйнайди. Злобин 1993 йил 22 февралда Москва шаҳрида таваллуд топган. "Спартак" клуби тарбияланувчиси ҚХЛда 83 та ўйин ўтказиб, 10 очко (7+3) тўплаган.

ВХЛда эса 197 та ўйинда иштирок этган Антоннинг ҳисобида 92 балл (35+57) мавжуд. Злобин ўтган мавсумни Қарағанданинг "Сариарка" жамоасида ўтказди. У мазкур жамоанинг 51 та ўйинида музга чиқиб, 55 очко (29+26) ишлашга муваффақ бўлди.

Аввалроқ, "Ҳумо" химоячи Александр Сорокин билан келишувга эришган эди.