04 авг 08:12
Янгиликлар
Теннис
Ҳумоюн Султонов Астана турнири чорак финалига чиқди
Қозоғистоннинг Астана шаҳри теннис бўйича М25 тоифасига кирувчи турнирга мезбонлик қилмоқда.
Мусобақада мамлакатимизнинг биринчи ракеткаси Ҳумоюн Султонов ҳам ўз имкониятларини синовдан ўтказяпти.
Турнирнинг 1/8 финал босқичида ҳамюртимиз япониялик Сеита Ватанабега қарши кортга чиқди. 3 сет давом этган учрашувда Султонов рақибини 4/6, 6/3, 7/5 ҳисобида мағлубиятга учратиб, кейинги босқич масаласини ҳал қилди.
Энди теннисчимиз чорак финалда яна бир ҳамюртимиз Амир Милушевни илк босқичда мусобақадан чиқариб юборган Егор Герасимовга қарши баҳс олиб боради.
Маълумот учун, айни вақтда АТР рейтингида Султонов 446, Герасимов 810-поғонани эгаллаб турибди.
Ҳавола :
Манба : olamsport.com
Фикрлар