Ҳумоюн Султонов Греция "Челленжер"ида муваффақиятли старт олди

Мусобақада Ўзбекистоннинг биринчи рақамли ракетка устаси Ҳумоюн Султонов ҳам ўз омадини синаб кўрмоқда.

26 ёшли ҳамюртимиз бугун илк босқич доирасида италиялик Марчелло Серафинига қарши кортга чиқди. 1 соат, 56 дақиқа давом этган баҳсда Султонов 7/6, 7/5 ҳисобида ғалабани ўзиники қилди ва нимчорак финал йўлланмасига эга чиқди. Серафини ҳозирда ATP рейтингида 535-поғонани банд этиб турганини таъкидлаш лозим.

Энди наманганлик Ҳумоюн чорак финал йўлида Буюк Британия вакили Райан Пенистон билан тўқнаш келади. Вакилимизнинг 29 ёшли инглиз ракетка устасига қарши ўйини эртага 13:00 да бошланиши режалаштирилган.

Таққослаш учун, Ҳумоюн Султонов ATP рейтингида 218, Пенистон эса 406-ўринда қайд этилган. Юртдошимиз Херсонисос "Челленжер"ида иккинчи рақам остида сараланган.