17 янв 10:40
Янгиликлар
Теннис
Ҳумоюн Султонов M25 турнирини ғалаба билан бошлади, бугун нимчорак финал ўйини
Кеча Қатар пойтахти Доҳа шаҳрида теннис бўйича М25 туркумига кирувчи мусобақа бошланган эди.
Мусобақада ҳамюртимиз Ҳумоюн Султонов ҳам иштирок этмоқда. У кеча турнирнинг 1/16 финал босқичидан ўрин олган беллашуви доирасида россиялик Евгений Карловскийга қарши баҳс олиб борди. Уч сет давом этган баҳсда Ҳумоюн 4:6, 6:2, 6:2 ҳисобида ғалаба қозонди.
Бугун Султонов нимчорак финал доирасида яна бир рус теннисчиси - Алексей Захаровга қарши кортга чиқади. Беллашув Тошкент вақти билан 18:30 да бошланади.
Маълумот ўрнида, Ҳумоюн Султонов айни дамда дунё рейтингида 367, Захаров эса 726-ўринни банд этиб турибди. Бу теннисчилар учун ўзаро илк ўйин ҳисобланади.
Эслатиб ўтамиз, мамлакатимизнинг биринчи рақамли ракеткаси бўлмиш Ҳумоюн Султонов ўтган ҳафта айнан Доҳадаги М15 тоифасига кирувчи турнирда чемпион бўлган эди.
Ҳавола :
Манба : olamsport.com
Фикрлар