25 ноя 07:51
Янгиликлар

Теннис

Ҳумоюн Султонов Вале-де-Лобо турнири 1/2 финалида ўйнайди

Португалиянинг Вале-де-Лобо шаҳрида теннис бўйича "Фьючерс" туркумига кирувчи турнир давом этмоқда.

Мукофот жамғармаси 25 000 долларни ташкил этувчи ушбу турнирда ҳамюртимиз Ҳумоюн Султонов ҳам муваффақиятли одимлаяпти. Мамлакатимизнинг биринчи ракеткаси 1/4 финалда ATP рейтингида 534-поғонада бораётган чехиялик Гинек Бартонни 7/6(6), 6/2 ҳисобида мағлубиятга учратди.

Эътиборлиси, Бартон биринчи босқичда турнирнинг биринчи ракеткасини мусобақадан чиқариб юборганди. Бугун турнирда олтинчи рақам остида таснифланган юртдошимиз финал чиптаси учун португалиялик Энрике Рохага қарши кортга чиқади. Дунёнинг 277-ракеткаси бўлиб турган Роха турнирда учинчи рақам остида ҳаракат қилмоқда. Султонов эса 436-поғонадан жой олган.