29 янв 15:38
Янгиликлар

Теннис

Ҳумоюн Султонов Заҳрада 1/4 финалга чиқди

Кувайтнинг Заҳра шаҳрида теннис бўйича М15 тоифасига кирувчи турнир бўлиб ўтмоқда.

Мусобақада биринчи рақам остида таснифланган ҳамюртимиз Ҳумоюн Султонов бироз аввал якунига етган баҳсда чорак финал масаласини ижобий ҳал қилди. Мамлакатимизнинг иккинчи ракеткаси 1/8 финалда франциялик Максенсе Риветни ортиқча қийинчиликсиз мағлубиятга учратди - 6/2, 6/2.

Таққослаш учун, Ҳумоюн Султонов ATP рейтингида 581, 22 ёшли Ривет эса 1243-поғонадан жой олган. Бу теннисчиларнинг ўзаро ўтказган илк учрашуви бўлди. Энди теннисчимиз 1/4 финалда руминиялик Роберт Гуна ёки япониялик Казуки Нишивакига қарши кортга чиқади. Бу икки теннисчи ўртасидаги учрашув айни дақиқаларда давом этмоқда.