01 апр 10:52
Янгиликлар
Ҳумоюн Тўхтамуродов GFL 1 турнирида иштирок этади. Рақиб UFC собиқ жангчиси!
Лига 25 май тонгида АҚШнинг Калифорния штати, Лос-Анжелес шаҳридаги Shrine Auditorium мажмуасида илк турнирини ўтказади.
Мусобақа кардидан ўзбекистонлик аралаш якка кураш устаси Ҳумоюн Тўхтамуродов ҳам ўрин олди. 26 ёшли Тўхтамуродов америкалик UFC собиқ жангчиси Чарльз Роса билан жанг қилади. Роса 2014-2022 йиллар давомида UFC'да фаолият олиб борган ва 5 та ғалаба, 8 та мағлубият қайд этган. 38 яшар спортчининг рекорди 18-8.
Шу кунга қадар 17 та жанг ўтказиб, 12 та ғалаба ва 5 та мағлубият қайд этган Ҳумоюн Тўхтамуродов сўнгги жангини 2024 йил декабрь ойида Франклин Фомеуга қарши ўтказиб, муддатидан олдин ғолиб бўлганди. Тўхтамуродов Лиганинг Дубай жамоаси вакили ҳисобланса, Роса Майами шарафини ҳимоя қилади.
GFL 1 турнирининг марказий жанги UFC собиқ аъзолари — Юрайя Фейбер ва Ренан Барао ўртасида кечади. Бундан ташқари, турнир доирасида Энтони Петтис, Холли Холм, Дерек Брансон, Робелис Деспанье каби таниқли аралаш якка кураш усталари октагонга кўтарилишади.
Фикрлар