10 авг 10:20
Янгиликлар

Теннис

Ҳумоюннинг Минскдаги юриши давом этади, у чорак финалда!

Беларусь пойтахти Минск шаҳрида давом этаётган “Фьючерс” туркумига кирувчи турнирнинг асосий тўр баҳсларида чорак финалчилар номи маълум бўлди.

Соврин жамғармаси 15 000 АҚШ долларини ташкил қилувчи ушбу мусобақанинг асосий тўр баҳсларида қатнашиш ҳуқуқини қўлга киритган Ҳумоюн Султонов чорак финалга йўл олган 8 теннисчидан бирига айланди.

Ҳамюртимиз иккинчи даврада беларуслик Александр Згировскийни 7:6(2), 6:2 ҳисобида мағлуб этди. Дунё рейтингида 1024-ўринни эгаллаб турган Султонов илк босқичда турнирнинг иккинчи, дунёнинг 344-ракеткаси бўлган беларуслик Ярослав Шилани 6:3, 6:4 ҳисобида мағлубиятга учратганди.