Ҳуррамов ва Бобонов эса ярим финалда, медалга яқинмиз!

-100 кг вазн тоифасидаги беллашувларда юртимиз шарафини ҳимоя қилаётган Муҳаммадкарим Ҳуррамов Дюссельдорф "Катта Дубулға" турнирининг ярим финалига йўл олди. Ҳамюртимиз чорак финал баҳсида озарбайжонлик Зелим Коцоевни соф иппон эвазига мағлубиятга учратди. Бироздан сўнг Муҳаммадкарим финал чиптаси учун бразилиялик Рафаэль Бузакаринига қарши татамига чиқади. 

-90 кг вазн тоифасидаги дзюдочимиз Давлат Бобонов ҳам ярим финал иштирокчисига айланди. Дзюдочимиз грузиялик полвон, ўтган йилги Осака "Катта Дубулға" ҳамда Загреб Гран-при турнирлари ғолиби Бека Гвиниашвилини муддатидан аввал таслим этди. Бобоновнинг ярим финалдаги рақиби бироздан сўнг аниқланади.

Афсуски, +100 кг вазн тоифасидаги полвонимиз Бекмурод Олтибоев мусобақадаги иштирокини якунлади. Иштирокини тўғридан-тўғри иккинчи даврадан бошлаган Олтибоев грузиялик Онисе Бугадзени мағлубиятга учрата олганди. Аммо, чехиялик Масей Сарначкига қарши кечган беллашувда у мағлубият аламини тотиб кўрди.